गेवराई - विधानसभा निवडणुकीसाठी बुधवारी (ता. २०) मतदान पार पडले, या निवडणुकीत ७२.७२ टक्के मतदान झाले असून शनिवारी (ता. २३) होणाऱ्या मतमोजणीमध्ये महायुतीचे विजयसिंह पंडित की महाविकास आघाडीचे बदामराव पंडित या काका-पुतण्यासह विद्यमान आमदार लक्ष्मण पवार यांच्यापैकी गेवराईचा मतदार कोणाला कौल देणार या चर्चेचे गु-हाळ मतदारसंघात सध्या जोरदार सुरू आहे. काही झाले तरी गुलाल आमचाच असे पंडित-पवारांचे समर्थक म्हणत आहेत.