जातेगाव (जि. बीड) - गेवराई मतदारसंघात विधानसभा निवडणुकीत एकुण ४६ उमेदवारांनी अर्ज दाखल केले होते. यापैकी (ता. ४) शेवटच्या दिवशी २५ उमेदवारांनी अर्ज मागे घेतले असून, गेवराईच्या राजकीय आखाड्यात आता २१ जण निवडणूक रिंगणात आहेत. मात्र खरी लढत राष्ट्रवादी काँग्रेस अजित पवार पक्षाचे विजयसिंह पंडित शिवसेना उध्दव ठाकरे पक्षाचे बदामराव पंडित आणि अपक्ष विद्यमान आमदार लक्ष्मण पवार अशी तिरंगी लढत होणार आहे.