छत्रपती संभाजीनगर : दूध उत्पादक शेतकऱ्यांना प्रतिलिटर १० रुपये अनुदान देण्यात यावे, या मागणीसाठी जिल्हा काँग्रेस कमिटीच्या वतीने सोमवारी (ता. पाच ) जिल्हाधिकारी कार्यालयासमोर आंदोलन करण्यात आले.
जिल्हाध्यक्ष डॉ. कल्याण काळे, शहराध्यक्ष शेख युसूफ यांच्या नेतृत्वात हे आंदोलन करण्यात आले. यावेळी डॉ. काळे म्हणाले, की दूध उत्पादन खर्च वाढत असताना, दुधाचे भाव मात्र कमी होत आहेत. पशुखाद्य तसेच जनावरांच्या औषधोपचाराचा खर्चही मोठ्या प्रमाणात वाढला आहे. त्यामुळे दूध उत्पादक शेतकरी अडचणीत आला असून, दूध उत्पादक शेतकऱ्यांना प्रति लिटर १० रुपये अनुदान देण्यात यावे.
तसेच अतिवृष्टी व गारपिटीत नुकसान झालेल्या शेतकऱ्यांना शासनाने मदत जाहीर करावी, अशी मागणीही डॉ. काळे यांनी यावेळी केली. आंदोलनानंतर शिष्टमंडळाने जिल्हाधिकाऱ्यांना मागण्यांचे निवेदन दिले.
आंदोलनात किरण पाटील डोणगावकर, भाऊसाहेब जगताप, संतोष शेजूळ, सागर नागरे, दीक्षा पवार, जमील पटेल, सुरेश शिंदे, पुंडलिक जंगले, शिवाजीराव ढाकणे, नीलेश आंबेवाडीकर, विजय कांबळे, अभिषेक शिंदे, सदाशिव विटेकर, प्रभाकर वाघ आदी सहभागी झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
