गूड न्यूज ; सिध्देश्वर धरणाचे दहा दरवाजे उघडले

हिंगोली : औंढा नागनाथ तालुक्यातील सिध्देश्वर धरणाचे सोमवारी (ता.सात) सायंकाळी साडेपाच वाजता दहा दरवाजे उघडले असून सात हजार २८२ क्युसेक पाण्याचा विसर्ग केला जात आहे. नदीच्या काठावर असलेल्या गावांना सर्तकतेचा इशारा देण्यात आला आहे.

हिंगोली जिल्ह्यातील औंढा नागनाथ तालुक्यात येणाऱ्या सिध्देश्वर धरणात येलदरी धरणातून सोडलेल्या पाण्याची आवक सुरू आहे. आज या धरणाचे दोन दरवाजे उघडले आहेत. यामुळे सिध्देश्वर धरणात पाण्याची मोठ्या प्रमाणात आवक होत आहे. 

हेही वाचा - गुन्हेगारांनो सावधान : नांदेड पोलिस परिक्षेत्रात आता निसार तांबोळींची चलती

येलदरी धरण शंभर टक्के भरल्याने दरवाजे उघडले
येलदरी धरण शंभर टक्के भरल्याने या धरणात पाण्याची आवक पाहता सिध्देश्वर धरणाचे सायंकाळी साडेपाच वाजता दहा दरवाजे उघडण्यात आले आहेत. यातुन सात हजार २८२ क्युसेक पाणी सोडण्यात येत आहे. हे पाणी पुर्णा नदीपात्रात सोडण्यात येत असल्याने या नदीला पुर येण्याची शक्यता नाकारता येत नाही. यामुळे नदी काठावरील गावांना पुर नियंत्रण कक्षातर्फे सर्तकतेचा इशारा देण्यात आला आहे.

हेही वाचा - वैद्यकीय शिक्षण प्रवेशाचा ७०ः३० फॉर्मुला रद्द होणार- आमदार डॉ. राहूल पाटील

या क्रमांकाचे दरवाजे उघडले 
दरम्यान सिध्देश्वर धरणाचे दोन, तीन, चार, पाच, सहा, सात, आठ, नऊ, अकरा आणि तेरा क्रमांकाचे दरवाजे उघडण्यात आले आहेत. यावर्षी सिध्देश्वर दोन ते तीन वेळेस पुर्णा नदीपात्रात धरणातून पाणी सोडण्यात आले आहे. यामुळे या भागातील विहीर व बोअरवेलची पाणीपातळी कमालीची वाढली आहे. या भागातील शेतकरी समाधानी झाले आहेत. यावर्षी उन्हाळ्यात देखील धरणात मुबलक पाणीसाठा राहणार असल्याने उन्हाळ्यात या भागातील पुर्णा नदीसह कालव्यातून पाणी सोडले जाणार असल्याचे शेतकरी सांगत आहेत.

नदीकाठच्या गावांना सतर्कतेचा इशारा 
पूर्ण भरलेल्या येलदरी धरणाचे आज दोन दरवाजे उघडून विसर्ग सुरू आहे. तो सिद्धेश्वर धरणात येत आहे. त्यामुळे हे धरणही शंभर टक्के भरले आहे. पाण्याची सुरू असलेली आवक पाहता सिद्धेश्वर धरणाचे दहा दरवाजे आज सायंकाळी साडेपाचला उघडण्यात आले. यातून सात हजार २८२ क्युसेकने पाण्याचा विसर्ग केला जात आहे. त्यामुळे पूर्णा नदीला पूर येण्याची शक्यता असल्याने पूर नियंत्रण कक्षाने नदीकाठच्या गावांना सतर्कतेचा इशारा दिला आहे. 

संपादन ः राजन मंगरुळकर