हिंगोली : श्रावणबाळ योजना, संजय गांधी अपंग, विधवा योजनेसह विविध योजनेतील लाभार्थ्यांचे अनुदान वेतन तत्काळ लाभार्थ्यांच्या खात्यावर टाकण्यात यावे. यासह इतर मागण्या संदर्भात लाभार्थ्यांनी शुक्रवारी (ता.१७) जिल्हाधिकारी कार्यालयावर मोर्चा (Hingoli) काढला. यावेळी निवेदन देण्यात आले. याबाबत यशोदा कोरडे, शांताबाई मोरे, भारतीबाई कांबळे, वंदना कांबळे, ध्रुपदाबाई शिखरे, रेखा सरोदे, कुसुम हनवते, लता इंगळे, शांताबाई इंगोले, सीमा इंगोले, गयाबाई वाढे या सामाजिक कार्यकर्त्यांसह अनेक महिलांनी जिल्हाधिकारी यांना निवेदन दिले आहे. त्यात नमूद केले आहे की, नवीन फाईल मंजुर लाभार्थ्यांचे अनुदान तत्काळ देण्यात यावे. (Hingoli News Schemes Beneficiaries March On Collector Office)
दोन-दोन वर्षांपासून प्रकरणे दाखल असुन सुद्धा मंजुरी झालेला विलंब तो तत्काळ मार्गी लावावा, हिंगोली तालुका तहसिल कार्यालयामधून स्वस्तधान्य दुकानदारामार्फत भेसळयुक्त राशन वाटप करणाऱ्यावर कार्यवाही करण्यात यावी, महिला कार्यकर्त्यांना उगीरभाषा वापरणाऱ्या अधिकाऱ्यांना योग्य चौकशी करुन निलंबित करावे, शासनाच्या विविध योजनेतील प्रकरणे मंजूर करून त्यांच्या खात्यावर रक्कम जमा करावी व भेसळ माल देणाऱ्या दुकानदारांवर कार्यवाही करावी आदी मागण्याचे निवेदन देण्यात आले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
