तयार जेवणाएवजी राशन साहित्याचे किट द्यावे

नांदेड : कोरोना विषाणू प्रतिबंधासाठी सध्या लॉकडाऊन लागू आहे. अशा काळात अन्नदात्यांनी शिजवलेले अन्न देण्याएवजी एका कुंटूबाला एक महिना पुरेल एवढे राशन साहित्याचे किट देण्याचे आवाहन केले आहे. यातून गरजू लोकांची गूजरान होइल, यासाठी शहरात सहा ठिकाणी संकलण केंद्र सुरु केल्याची माहिती जिल्हाधिकारी डॉ. विपीन यांनी दिली.

तयार जेवणाएवजी धान्य द्यावे
कोरोना विषाणूचा प्रादुर्भाव रोखण्यासाठी ता. २४ मार्च पासून लॉकडाऊन घोषित करण्यात आला आहे. त्या अनुषंगाने जिल्ह्यात रोजंदारीवर काम करणारे मजूर तसेच परिस्थिती अभावी राशन खरेदी करु शकत नसणारे लोक ज्यांच्याकडे राहते घर व स्वंयपाक करण्याची व्यवस्था आहे, अशा लोकांना शिजवलेले अन्न देण्यापेक्षा एक महिन्याचे कोरडे राशन दिल्यास लॉकडाऊन कालावधीत त्यांना वारंवार अन्न देण्याची गरज पडणार नाही.

हेही वाचा....मद्य शौकीनांना नाही दिलासा

महिनाभरासाठी राशन द्यावे
सध्या नांदेड शहरात अनेक ठिकाणी स्वंयसेवी संस्था त्यांच्या पद्धतीने शिजवलेले अन्न देत आहेत. ज्यांच्याकडे स्वंयपाक करण्याची व्यवस्था नाही, अशा बेघर लोकांना सद्याची तयार जेवन देण्याची कार्यपद्धती तशीच सुरु ठेवावी. तथापी रोजंदारीवर काम करणारे गरजू लोक ज्यांच्याकडे स्वंयपाक करण्याची व्यवस्था आहे, अशा लोकांना आवश्यकतेनुसार राशन सहित्याचे किट प्रती व्यक्ती प्रती कुंटूब महिनाभरासाठी तयार करुन दिल्यास स्वंयसेवी संस्थावरील ताणही कमी होइल. 
सहा ठिकाणी संकलण केंद्र

हेही वाचलेच पाहिजे....तालुका मुख्यालयी सुरु झाले शिवभोजन

सहा ठिकाणी संकलन केंद्र सुरु
नांदेड शहरात त्याअनुषंगाने सहा ठिकाणी संकलन केंद्र सुरु केले आहेत. या ठिकाणी राशन किट देण्याचे आवाहन केले आहे. यात नरवाडे मंगल कार्यालय, रिलायन्स पेट्रोलपंप, तरोडा नाका, पाटीदार मंगलकार्यालय, दत्तनगर, साहिबजादा बाबा फतेहसिंघजी मंगल कार्यालय, अबचलनगर आणि आर्यवैश्य मंगल कार्यालय, सिडको या ठिकाणी संकलण केंद्र सुरु केले आहे. या ठिकाणच्या संकलन प्रमुखांशी संपर्क करुन धान्याचे किट द्यावे, असे आवाहन जिल्हाधिकारी डॉ. विपीन यांनी केले आहे.

राशन किटमधील धान्य
किटमध्ये गहू पंधरा किलो, तांदुळ दहा किलो, तेल एक किलो, डाळ एक किलो, मिठ एक किलो व मिरची पुढ अर्धा किलो असे अंदाजे धान्य किट असावे असे आवाहन केले आहे. तसेच मिनी किटमध्ये तीन किलो गहू, दोन किलो तांदुळ, दोनशे ग्राम तेल, डाळ दोनशे ग्राम, मीट दोनशे ग्राम व मिरची शंभर ग्राम असावा असा कयास आहे.