Ayodhya Ram Mandir : केज तालुक्यातील महादेव महाराज बोराडेंना अयोध्येचे निमंत्रण ; श्रीरामांच्या जयघोषात सत्कार करुन दिला निरोप

अंबाजोगाई, ता.१९ (बातमीदार)ः जगद्गुरू संत तुकोबाराय पावन धाम येथील महादेव महाराज बोराडे यांना अयोध्या येथील प्रभू श्रीरामाच्या प्राणप्रतिष्ठापनेचे अधिकृत निमंत्रण प्राप्त झाले आहे. गुरुवारी (ता.१८) ते अयोध्येसाठी रवाना झाले. यानिमित्त त्यांचा सत्कार अरुण काळे परिवारातर्फे करण्यात आला.

केज तालुक्यातील औरंगपूर येथील जगद्गुरू संत तुकोबाराय पावनधामचे प्रमुख महादेव महाराज बोराडे यांना अयोध्येतील श्रीराम जन्मभूमी तीर्थक्षेत्रचे सचीव चंपत राय यांचे हे पत्र बोराडे महाराज व विठ्ठल महाराज चौरे पंढरपूरकर यांना प्राप्त झाले आहे. गुरुवारी यासाठी ते अंबाजोगाई येथून अयोध्येला रवाना झाले.

यानिमित्त महाराजांना निरोप देण्यापूर्वी बीड जिल्हा केमिस्ट अ‍ॅण्ड ड्रगिस्ट संघटनेचे उपाध्यक्ष अरुण काळे यांच्या निवासस्थानी मित्र परिवारातर्फे महादेव महाराज बोराडे व विठ्ठल महाराज चौरे पंढरपूरकर यांचा सत्कार करण्यात आला. यावेळी डॉ. सुधीर धर्मपात्रे, भारत पतंगे, नारायण मुंडे, ॲड. संतोष पवार, राजू चोकडा, कल्याण काळे, अजिंक्य काळे, दत्ता कदम, मारुती कदम आदींची उपस्थिती होती. जय, जय श्रीरामाच्या जयघोषात महाराजांना अयोध्येकडे प्रयाण करण्यास निरोप देण्यात आला.