जालना : दरवर्षी ऊसतोडणी हंगामासाठी पालक आपल्या मुलांसह ऊसतोडणीसाठी स्थलांतरित होतात. यामुळे या मुलांच्या शिक्षणात खंड पडतो. मुले शाळाबाह्य होतात यासाठी संभावित स्थलांतरित होणाऱ्या कुटुंबातील मुलांचा शोध घेऊन स्थलांतर थांबवावे, अशा सूचना शिक्षण विभागातील अधिकाऱ्यांना मुख्य कार्यकारी अधिकारी वर्षा मीना यांनी सोमवारी ( ता.१०) बैठकीत सूचना दिल्या आहेत.
मुख्य कार्यकारी अधिकारी यांच्या दालनात स्थलांतरित होणाऱ्या पालकांच्या बालकांचे स्थलांतर थांबविण्यासाठी करावयाच्या उपाययोजनांबाबत जिल्हास्तरीय समितीची बैठक बोलाविण्यात आली होती. बैठकीस जिल्हा शिक्षण व प्रशिक्षण संस्थेचे प्राचार्य डॉ .राजेंद्र कांबळे, शिक्षणाधिकारी मंगल धुपे, शिक्षणाधिकारी कैलास दातखीळ, महिला व बालविकास अधिकारी आर.एन.चिमींद्रे, उप शिक्षणाधिकारी बाळासाहेब खरात, उपशिक्षणाधिकारी विपुल भागवत, गटशिक्षणाधिकारी नारायण कुमावत, गटशिक्षणाधिकारी रवी जोशी, डॉ .भरत वानखेडे, सतीश शिंदे, डी. एस. शहागडकर, अधिव्याख्याता सय्यद अख्तर, शिक्षण विस्तार अधिकारी विनया वडजे, प्रेरणा लोंढे, गट समन्वयक पी.आर.जाधव,सर्व शिक्षा अभियान सहायक कार्यक्रम अधिकारी डॉ. सुनील मावकर यांची उपस्थिती होती.
या वेळी बोलताना वर्षा मीना म्हणाल्या, की ज्या गावांमधून मोठ्या प्रमाणावर ऊसतोडणीसाठी किंवा अन्य कामासाठी स्थलांतरित गावांकडे लक्ष देऊन तेथील मुलांचे स्थलांतर थांबवावे. मोठ्या प्रमाणावर संबंधित पालकांचे समुपदेशन करून त्यांना मुलांच्या शिक्षणाविषयी प्र2बोधन करावे.एका आठवड्यात तालुका, केंद्र व शाळा स्तरावरील समित्यांच्या बैठका घेऊन स्थलांतर रोखावे असे आदेश त्यांनी उपस्थित अधिकाऱ्यांना दिले.बैठकीत सर्व शिक्षा अभियान सहायक कार्यक्रम अधिकारी डॉ. सुनील मावकर यांनी सादरीकरण केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
