तीर्थपुरी (जि. जालना): तीर्थपुरी येथील एका बेकरीत चोवीस वर्षीय कामगार असलेला ज्ञानेश्वर बंडू शेंडगे याचा सोमवारी (ता.22)रात्री साडेबाराच्या सुमारास खून झाल्याची घटना घडली. त्यामुळे सर्वत्र खळबळ उडाली असून गोंदी पोलिसानी घटनेचा पंचनामा केला.
येथील शहागड रस्त्यावर एक बेकरी असून या बेकरीत घुंगरडे हदगाव येथील ज्ञानेश्वर बंडू शेंडगे हा मजूर म्हणून काम करत होता. सोमवारी सहकाऱ्यांसह तो बेकरीत मुक्कामी होता. रात्री साडेबारा वाजेच्या सुमारास त्याचा खून झाल्याची माहिती गोंदी पोलिसाना मिळाली असून मयताच्या मानेवर कुऱ्हाडीचे घाव असल्याचे आढळून आले असल्याचे पोलिसांनी सांगितले.
या घटनेची माहिती मिळताच गोंदी पोलीस ठाण्याचे सहायक पोलीस निरीक्षक शीतलकुमार बल्लाळ, पोलीस उपनिरीक्षक गजानन कौळासे,साहाय्यक फौजदार श्रीधर खडेकर यांनी भेट देऊन घटनेचा पंचनामा केला. यावेळी शॉन पथकाला पाचारण करण्यात आले होते. गोंदी पोलिसांनी गुन्हा नोंद करण्याची प्रक्रिया सुरू असल्याचे सहायक फौजदार श्रीधर खडेकर यांनी सांगितले
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.