अंबड (जि.जालना) : अंबड-जालना महामार्गावरील गोलापांगरीजवळ दुचाकी अडवून बँक कर्मचाऱ्यांना मारहाण करत १५ लाख रुपयांचे रोकड घेऊन चोरटा पसार झाला आहे. याबाबत माहिती अशी की, गोलापांगरी(ता.जालना) येथील जिल्हा मध्यवर्ती बँकेच्या (Jalna District Cooperative Bank) शाखेत जालना येथून शुक्रवारी (ता.२६) बँकेचे व्यवस्थापक एस.यू.गोडबोले व शिपाई ए.आर.सुतार हे दोघे कर्मचारी दुचाकीवरून पंधरा लाख रुपयांचे रोकड घेऊन जालना येथून गोलापांगरीकडे येत होते. गावालगतच पाठीमागून दुचाकीवर आलेल्या अज्ञात चोरट्याने शेतालगत (Ambad) असलेल्या एका इंग्रजी शाळेजवळ बँक कर्मचाऱ्यांची दुचाकी अडवली. चाकूचा धाक दाखवत दोघांना मारहाण करुन १५ लाख रूपये घेऊन चोरटा पसार झाला. (Crime In Jalna)
या घटनेची माहिती मिळताच जालना तालुका पोलिस ठाण्याचे पोलिस निरीक्षक मारुती खेडकर व स्थानिक गुन्हे शाखेचे पथक घटनास्थळी दाखल झाले होते. जालना येथूनच चोरट्याने बँक कर्मचाऱ्यांचा पाठलाग करत गोलापांगरीलगत पैशावर डल्ला मारला आहे. मोठी रक्कम घेऊन जात असताना कोणत्याही प्रकारचे संरक्षण त्या कर्मचाऱ्यांना नव्हते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
