Jalna News : पावसाळा ‘कोरडा’ दुष्काळसदृश स्थिती जिल्ह्यात २८ ते ५३ दिवस पावसाविना

जालना - पावसाळ्याचा साडेतीन महिन्यांचा कालावधी संपला आहे. मात्र, जिल्ह्यात आठ ही तालुक्यात या साडेतीन महिन्यांपैकी एक महिन्यांपेक्षा अधिक काळ कोरडे गेले आहेत. विशेष म्हणजे परतूर आणि बदनापूर तालुक्यात ५० पेक्षा अधिक दिवस पावसाने दांडी मारली आहे. त्यामुळे यंदा दुष्काळात जिल्ह्यात येऊन ठेपल्याचे चित्र आहे.

लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर फक्त एका क्लिकमध्ये

जिल्ह्यात यंदा जून महिन्यापासूनच पावसाने हुलकावणी दिली. जुलै महिन्यात पावसाच्या रिमझिमीवर जिल्ह्यातील पेरण्या उरकल्या. त्यानंतर ऑगस्ट महिन्यात झालेल्या हलक्या पावसाच्या रिपरिपीवर खरीप पिकांनी तग धरला. मात्र, उत्पादनात मोठी घट होण्याची चिन्हे आहेत.

मागील साडेतीन महिन्यात जिल्ह्यात ५५५.८३ मिलिमीटर पाऊस पडणे अपेक्षित असताना आतापर्यंत जिल्ह्यात केवळ ३८१.५० मिलिमीटर पाऊस झाला आहे. त्यामुळे तब्बल १७४.३३ मिलिमीटर पावसाची तूट आहेत.विशेष म्हणजे जिल्ह्यातील आठ तालुक्यात पावसाळ्याचे २८ ते ५३ दिवस कोरडे गेले आहेत. त्यामुळे यंदा दुष्काळ जिल्ह्यात येऊन ठेपल्याचे विदारक चित्र पाहण्यास मिळत आहेत.

परतीच्या पावसाचा मेळ लागेना जिल्ह्यात परतीचा पाऊस जोरदार बरसले अशी अपेक्षा होता. मात्र, सध्या तरी तसेच चित्र दिसून येत नाही. जर परतीचा पाऊस झाला नाही, तर जिल्ह्यात यंदा भयावह दुष्काळाला तोंड देण्याची वेळ येणार आहे.२.५ मिलिमीटर पाऊस आधारित पावसाचे कोरडे दिवस(आकडेवारी नैसर्गिक आपत्ती विभाग)