जालना - जिल्हा परिषद अध्यक्ष व उपाध्यक्ष पदासाठी ता.सहा जानेवारी रोजी दुपारी दोन वाजता जिल्हा परिषदेच्या सभागृहात निवडणूक घेण्यात येणार आहे. अध्यक्षपद मिळविण्यासाठी भाजप-शिवसेना-राष्ट्रवादी कॉंग्रेस-कॉंग्रेस आघाडीच्या वतीने जोरदार हालचाली सुरू केल्या आहेत.
केंद्रीयमंत्री रावसाहेब दानवे यांनी नुकतीच भोकरदनला बैठक घेऊन कार्यकर्त्यांची मने जाणून घेतली. त्यामुळे येत्या सहा जानेवारीला भारतीय जनता पक्ष काही चमत्कार करणार काय, याबाबत वेगवेगळी चर्चा सुरू झाली आहे. विधानसभा निवडणुकीच्या आचारसंहितेमुळे जिल्हा परिषदेच्या अध्यक्ष व उपाध्यक्षांना एकशे वीस दिवसांची मुदतवाढ देण्यात आली होती. ता.20 डिसेंबर रोजी ही मुदतवाढ समाप्त झाली आहे. जालना झेडपीचे अध्यक्षपद अनुसूचित जातीसाठी आरक्षित आहे.
हेही वाचा : जालना झेडपीचे अध्यक्षपद अनुसूचित जातीसाठी
त्यामुळे शासनाने आरक्षित केलेल्या संवर्गानुसार अध्यक्ष व उपाध्यक्षांच्या निवडीसाठी जिल्हाधिकारी तथा पीठासीन अधिकारी रवींद्र बिनवडे यांच्या अध्यक्षतेखाली ता.सहा जानेवारी रोजी विशेष सभेचे आयोजन करण्यात आले आहे. निवडणुकीचा कार्यक्रम जाहीर झाल्यानंतर लगेचच भारतीय जनता पक्ष, शिवसेना-राष्ट्रवादी कॉंग्रेस-कॉंग्रेस आघाडीच्या नेत्यांनी बैठका घेऊन बहुमताची चाचपणी केली. शिवसेना-राष्ट्रवादी कॉंग्रेसकडे बहुमत असल्यामुळे अध्यक्षपद सहज मिळेल अशी अपेक्षा महाआघाडीच्या वतीने व्यक्त केली जात आहे.
दुसरीकडे भाजपच्या वतीनेही जोरदार हालचाली सुरू असून, केंद्रीयमंत्री रावसाहेब दानवे यांनी भोकरदन येथे प्रमुख कार्यकर्त्यांची नुकतीच बैठक घेऊन रणनीती ठरविल्याची चर्चा यानिमित्ताने होत आहे. असे असले तरीही प्रत्यक्ष मतदानाच्या दिवशी काय चमत्कार होतो याकडे लोकांचे लक्ष आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.