अंबड (जि.जालना) - शाळेत पायी जाताना बुधवारी (ता. चार) सकाळी तीन शालेय विद्यार्थ्यांना रस्त्यावर मंगळसूत्र सापडले. या विद्यार्थ्यांनी प्रामाणिकपणाचे दर्शन घडवीत अंबडचे ठाणे गाठत पोलिस निरीक्षकांना मंगळसूत्र सुपूर्द केले.
अंबड शहरातील होळकरनगर येथील सहावी इयत्तेतील ओम हनुमंत जाधव हा मित्र शिवम सुधाकर वाघ, अर्जुन मधुकर वाघ यांच्यासोबत पाचोड मार्गावरील समर्थ विद्यालयाकडे बुधवारी सकाळी पायी जात होते.
हेही वाचा : ऊसतोडीच्या हंगामाला झालीय सुरवात
शाळेलगतच असलेल्या श्रीसाई मंदिरासमोर त्यांना सोन्याचे मणी, मंगळसूत्र त्यांना आढळले. हे मंगळसूत्र त्यांनी उचलत तालुका पोलिस ठाणे गाठले. ठाण्यात पोलिस निरीक्षक अनिरुध्द नांदेडकर यांची भेट घेऊन त्यांना मंगळसूत्र सापडल्याचे सांगितले.
अवघ्या बारा वर्षांच्या ओम जाधव व त्याचे मित्र अर्जुन, शिवम यांच्या प्रामाणिकपणाचे पोलिस निरीक्षक नांदेडकर यांनी कौतुक केले. विद्यार्थ्यांना खाऊचेही वाटप केले.
दरम्यान, ओम जाधव, शिवम वाघ, अर्जुन वाघ या बालकांचे प्रभाकरराव पवार, गणेश सपकाळसह पोलिस अधिकारी, कर्मचारी, गृहरक्षक दलाचे जवान आदींनी कौतुक केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.