सहा वर्षांच्या चिमुकलीवर नराधमाचा अत्याचार; खेळण्याचा बहाणाने घेऊन गेला होता शेतात

बेलकुंड (जि.लातूर) : एका सहा वर्षांच्या चिमुकलीवर खेळण्याचा बहाणा करून गावाजवळील शिवारात नेवून तिच्यावर लैंगिक अत्याचार केल्याची धक्कादायक घटना औसा तालुक्यातील एका गावात घडली. याप्रकरणी भादा पोलिसात संबंधित नराधमाविरूद्ध गुन्हा दाखल करण्यात आला आहे.

गावातील एका सहा वर्षाच्या चिमुकलीवर दयानंद राठोड (वय ४६) याने खेळण्याचा बहाणा करून रविवारी (ता. चार) सायंकाळी पाच ते रात्री ११ च्या दरम्यान येथील शिवारातील शेतात नेवून तिच्यावर लैंगिक अत्याचार केला. या घटनेनंतर आरोपी राठोड पसार होता.

कोरोनाचा वाढता आलेख, बीड जिल्ह्यात मृत करोना रुग्णांवर सामुहिक अंत्यसंस्कार

तो येथील शिवारातील एका शेतात असल्याची माहिती मिळाल्यानंतर सोमवारी रात्री सहायक पोलिस निरीक्षक नाना लिंगे, पोलिस उपनिरीक्षक महेश मुळीक, बिटअंमलदार सुर्यप्रकाश गिरी यांच्या पथकाने आरोपी दयानंद राठोड याला अटक केली. याप्रकरणी पिडितेच्या आईच्या फिर्यादीवरून भादा पोलिसात गुन्हा दाखल करण्यात आला आहे.