लातूर: कोरोनाचा प्रसार रोखण्यासाठी राज्य सरकारने लागू केलेल्या लॉकडाउनमध्येच (Latur lockdown updates) जिल्हाधिकारी पृथ्वीराज बी. पी. यांनी आठ मेपासून सहा दिवसांचा वीकेंड लॉकडाउनप्रमाणे कडक लॉकडाउन जिल्ह्यात लागू केला होता. त्याचे दृश्य परिणाम चांगले दिसून आले. या लॉकडाउनमुळे रुग्णसंख्या कमी झाली (covid 19). यामुळे हा लॉकडाउन आणखी तीन दिवस वाढवण्याचा निर्णय पृथ्वीराज यांनी घेतला असून तो रविवारपर्यंत (ता. १६) कायम राहणार आहे. वीकेंड लॉकडाउन प्रमाणेच या काळात सर्व निर्बंध असल्याने कडेकोट बंद राहणार आहे.
कोरोनाच्या दुसऱ्या लाटेत लॉकडाउन लागू करताना सरकारने आठवड्याच्या शेवटी शनिवार व रविवार दोन दिवस कडक निर्बंध लागू केले होते. हा वीकेंड लॉकडाउन एका आठवड्यापुरताच राहिला. सरकारने त्यानंतर स्वतंत्र कडक निर्बंधांचा लॉकडाउन घोषित केला. मात्र, लॉकडाउनमध्ये वीकेंड लॉकडाउनसारखे आणखी कडक निर्बंध नव्हते. जिल्हाधिकारी पृथ्वीराज यांनी मात्र सरकारने बंद केलेला वीकेंड लॉकडाउन जिल्ह्यात सुरूच ठेवला. या लॉकडाउनसारखाच जिल्ह्यात आठ मेपासून सहा दिवसांचा लॉकडाउन लागू केला.
या लॉकडाउनची मुदत गुरूवारी (ता. १४) रात्री संपत होती. यामुळे शुक्रवारपासून (ता. १४) लॉकडाउनमध्ये थोडी शिथिलता मिळण्याची आशा सर्वांना होती. मात्र, जिल्हाधिकारी पृथ्वीराज यांनी गुरुवारी दुपारीच या लॉकडाउनमध्ये आणखी तीन दिवसांची वाढ केल्याची जाहीर केले. सहा दिवसाच्या वीकेंडसारख्या लॉकडाउनमुळे जिल्ह्यात कोरोनाची साखळी तुटण्यास मदत झाल्याचे दिसत आहे. यामुळे ही साखळी आणखी तोडण्यासाठी तीन दिवसाचा वाढीव लॉकडाउन लागू करण्यात आला आहे. या कालावधीत जीवनावश्यक वस्तूची होम डिलेव्हरी करण्यास परवानगी असून, या वस्तूंच्या खरेदीचे निमित्त करून नागरिकांना बाहेर पडण्यास प्रतिबंध घालण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
