Marathwada: गेल्या काही महिन्यापासून मृतसाठ्यात असलेले मांजरा धरणात आता हळूहळू पाणी येऊ लागले आहे. मांजरा धरणाच्या पाणलोट क्षेत्रात चांगला पाऊस झाल्याने धरणात पाण्याचा येवा सुरु झाला आहे. या धरणात सध्या उपयुक्त पाणीसाठा आता साडे तीन टक्क्यावर गेला आहे. धरणातील पाणीसाठ्यात वाढ होण्यासाठी मोठ्या पावसाची गरज आहे.
लातूर शहराला मांजरा धरणातून पाणी पुरवठा केला जातो. गेल्या वर्षी मांजरा धरणाच्या पाणलोट क्षेत्रात अत्यंत कमी पाऊस झाला. याचा परिणाम धरणात पाणीसाठा झाला नाही. गेल्या काही महिन्यापासून धरणातील मृतसाठ्यातूनच शहराला तसेच इतर पाणी पुरवठा योजनांना पाणी पुरवठा केला जात आहे.
या वर्षी देखील पावसाळ्याचे दोन महिने संपले आहेत. धरणाच्या पाणलोट क्षेत्रात अपेक्षा पेक्षा खूपच कमी झाला आहे. त्यामुळे या धरणातील मृतसाठ्याच्या वर पाणी आलेले नव्हते. पण गेल्या काही दिवसात मात्र धरणाच्या पाणलोट क्षेत्रात चांगला पाऊस झाला आहे.
याचा परिणाम धरणाच्या वरच्या बाजूला असलेला संगमेश्वर मध्यम प्रकल्प हा शंभर टक्के भरला आहे. त्यामुळे या प्रकल्पातून पाणी मांजरा नदीच्या पात्रात येत आहे. मांजरा नदी भरून वाहू लागली आहे. नदीचे हे पाणी पुढे मांजरा धरणात येत आहे . त्यामुळे या धरणातील उपयुक्त पाणीसाठा ६.२२ दशलक्ष घनमीटर झाला.
याची टक्केवारी ३.५२ इतकी झाली आहे. सध्या या धरणात ५३.३५२ दशलक्ष घनमीटर पाणीसाठा आहे. यात मृतसाठा हा ४७.१३० दशलक्ष घनमीटर इतका आहे. पावसाळ्याचे दोन महिने संपले आहेत. तिसऱ्या महिन्याचे दहा दिवस देखील आता संपले आहेत. या धरणात चांगला पाणीसाठा होण्यासाठी मोठ्या पावसाची गरज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
