![Mahabhumi](http://media.assettype.com/esakal%2F2024-05%2F533ddbfc-45bf-43fc-910a-467a73b1bf78%2FEsakal_Rushikesh__21_.jpg?w=480&auto=format%2Ccompress&fit=max)
माणिकनगर : महसूल विभागाच्या वतीने चालवली जाणारे महाभूमी पोर्टल तीन दिवसांपासून बंद आहे. त्यामुळे शेती आणि जमिनीशी सबंधित सर्व शासकीय, निमशासकीय कामे, खरेदी-विक्रीचे व्यवहार ठप्प झाले आहेत.
महाभूमी पोर्टलवरून डिजीटल सातबारा, एकूण जमिनीचा दाखला (८-अ), फेरफार, मालमत्ता कार्ड, ई-रेकॉर्ड आदी डिजिटल सहीचे दाखले काढण्याच्या ऑनलाइन सुविधा शासनाने दिलेल्या आहेत. त्यामुळे तलाठी, भूमी अभिलेख, तहसील कार्यालयांवर असलेला भार कमी झाला होता.
मात्र, रविवारी दुपारपासून महाभूमीचे पोर्टल लॉगिन होत नसल्यामुळे महा ई-केंद्रचालक, शेतकरी, विविध कार्यकारी सोसायटी, बँक खातेदार, खरेदी-विक्री करणारे आदी सर्वच जण त्रस्त झाले आहेत. यावर आधारित शासनाच्या विविध विभागांचा आणि बँकांचा लाखो रुपयांचा महसूलदेखील बुडत आहे.
महाभूमीच्या डिजिटल सातबारा पोर्टलचे मुख्य नियंत्रण पुणे येथे असले तरीही त्या अनुषंगाने या साईटवर कोणताही हेल्प डेस्क क्रमांक किंवा मेल आयडी दिलेला नाही. त्यामुळे हे पोर्टल कधी चालू होणार किंवा काय अडचण आहे, याबाबत कोणालाही उत्तरे देता येत नाहीत, अशी माहिती महा ई-सेवा केंद्र चालकांनी दिली.
मला सोसायटीकडे वाढीव कर्जासाठी अर्ज करायचा आहे. त्यादृष्टीने आवश्यक सातबारा आणि एकूण जमिनीचा दाखला काढण्यासाठी वेगवेगळ्या ठिकाणच्या महा ई-सेवा केंद्रांवर चकरा मारून थकलो आहे, अशी माहिती त्रस्त शेतकरी रमेश कळम यांनी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.