वारंगा फाटा (जि.हिंगोली) : नांदेड-हिंगोली राष्ट्रीय महामार्गावर तोंडापूर पाटीजवळ कार दुचाकीच्या झालेल्या अपघातात दुचाकीस्वाराचा जागीच मृत्यू झाला आहे. याबाबत आखाडा बाळापुर पोलीस ठाण्यात शुक्रवारी (ता.२८) गुन्हा दाखल करण्यात आला आहे. याबाबत पोलिसांनी दिलेल्या माहितीनुसार, नांदेड (Nanded) -हिंगोली राष्ट्रीय महामार्गावर तोंडापूर पाटीजवळ असलेल्या वजनकाट्याजवळ गुरुवारी (ता.२७) संध्याकाळी सात वाजेच्या दरम्यान कार (एमएच ०५ एजे २१४८) व दुचाकीचा अपघात झाला. यात दुचाकीस्वार तुकाराम देवराव सूर्यवंशी (वय ४४, रा. दाती, ता. कळमनुरी) यांचा जागीच मृत्यू झाला आहे. (Man Died In Accident In Kalamnuri Taluka Of Hingoli District)
तुकाराम हे वारंगा फाटा येथील बाजार आटोपुन घरी परत जात असताना हा अपघात घडला. मृताचे भाऊ शंकर देवराव सूर्यवंशी यांच्या फिर्यादीवरून अज्ञात आरोपी विरोधात आखाडा बाळापुर पोलीस ठाण्यात गुन्हा दाखल करण्यात आला आहे. पुढील तपास पोलीस हेडकॉन्स्टेबल शेख बाबर (Hingoli) हे करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
