सबस्क्राईब करा
जालना- मराठा आंदोलनाचे नेते मनोज जरांगे पाटील यांनी सरकारवर जोरदार हल्लाबोल केला आहे. सरकारने मराठ्यांविरोधात ट्रॅप रचला आहे. सरकार आमच्याविरोधात खोटा बातम्या पसरवत आहेत. यात कोणते मंत्री, नेते, पालकमंत्री आहेत हे मला माहिती आहे. कोण विरोध करतंय हेही मला माहिती आहे, असं म्हणत त्यांनी टीका केली आहे.
मनोज जरांगे पाटील हे आंदोलनावर ठाम आहेत. २१ जानेवारी रोजी सर्व मराठ्यांनी आंतरवाली सराटीमध्ये जमा व्हावे, आपल्याला मुंबईकडे रवाना व्हायचं आहे. यादिवशी कोणकोणते नेते येतात हे पाहायचं आहे. कोण नाही आलं तर ते मी पाहतोच. सरकार संभ्रम निर्माण करण्याचा प्रयत्न करत आहे, असं जरांगे पाटील म्हणाले. (manoj jarange patil maratha reservation andolan jalna )
५४ लाख नोंदी सापडल्या, पण तरी आरक्षण का देत नाही? मराठवाड्यात इतक्या कमी नोंदी कशा सापडल्या? आतापर्यंत मुख्यमंत्री शिंदे आणि दोन्ही उपमुख्यंत्र्यांच्या आश्वासनांवर विश्वास ठेवलाय. पण, अजूनही लोकांना प्रमाणपत्र मिळत का नाहीत? इतक्या कोट्यवधींच्या संख्येने लोक रस्त्यावर येत आहेत. त्यांच्या न्यायासाठी मी रस्त्यावर उतरलो आहे. तुमच्याची मैत्री करण्यासाठी मी इथे आलो नाही, असं ते म्हणाले.
मी मुंबईला येणारच आहे. मला गोळ्या घातल्या तरी चालतील. पण, माझा विचार मरु देऊ नका. मराठ्यांची एकजूट तुटू देऊ नका. न्याय मिळेपर्यंत हटायचं नाही. आरक्षण मिळेपर्यंत परत येणार नाही. त्यांचा ट्रॅप मला माहितीये. कोणत्या मंत्र्यांनी ट्रॅप रचलाय. कोण मराठ्यांच्या विरोधात बोललाय मला माहितीये. जो येणार नाही त्याला मराठे लक्षात ठेवतील. मराठ्यांची फसवणूक सुरु आहे. पण, मी फसवणूक होऊ देणार नाही, असं जरांगे पाटील म्हणाले.
मी सरकारच्या बाजूने नाही. ट्रॅप सरकारचा काय आहे हे मी २० तारखेनंतर सांगेन. काही पालकमंत्र्यांना सरकारने हाताशी धरलंय. ते रॅलीमध्ये येतील आणि फोटो काढून निघून जातील. मराठ्यांमध्ये फूट पाडण्याचं काम त्यांना देण्यात आलं आहे. पण, कुणाचं ऐकू नका. मीडियातल्या बातम्या ऐकू नका, सरकार अफवा पसरवतंय, असं जरांगे पाटील म्हणाले. (Latest Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
