Manoj Jarange Patil: मनोज जरांगे यांनी मराठा आरक्षणासाठी सरकारला दिलेला अल्टिमेट उद्या संपणार आहे. आज जरांगे यांची बीड येथे इशारा सभा पार पडली. सर्व महाराष्ट्रातील मराठा समाज आज बीड येथे जमला होता. या सभेनिमित्त पोलिसांचा तगडा बंदोबस्त लावण्यात आला होता.
यावेळी मनोज जरांगे सुरुवातीलाच छगन भुजबळ यांच्यावर खालच्या शब्दात टीका केली. येवल्याचा येडपट असा उल्लेख त्यांनी केला.
शांततेत असलेल्या मराठा समाजाला डाग लावला. यांनी यांचेच हॉटेल जाळले आहेत. मात्र काहींनी आपल्यावर खोटा डाग लावला. मराठ्यांना राज्यात शांतता हवी. येवल्याच येडपट आलं अन् त्याच्या पाहुण्यांची त्यानेच हॉटेल जाळली, असा आरोप मनोज जरांगे यांनी छगन भुजबळ यांच्यावर केला. माझ्या नादी लागू नको मी लय बेकार माणूस आहे, अशा इशारा देखील जरांगेंनी दिला.
माझी मुख्यमंत्री आणि दोन्ही मुख्यमंत्र्यांना विनंती आहे. इथं एक-एक वर्षाच्या लेकरांना माड्यांवर घेऊन माता माऊल्या बसल्या आहेत. मराठ्यांना आरक्षण द्या, एकट्याचं ऐकून मराठ्यांवर अन्याय करु नका. सरकारने शहाणपणाची भूमिका घ्यावी, असे भुजबळ म्हणाले.
मराठ्यांना संपवण्याचा प्रयत्न होत आहे, तसं करु नका, असा इशारा मनोज जरांगे यांनी मुख्यमंत्री एकनाथ शिंदे यांना दिला. तसं केलं तर पुढचं आंदोलन तुम्हाला जड जाईल, असे जरांगे म्हणाले.
मनोज जरांगे यांच्या भाषणातील प्रमुख मुद्दे -
मी मॅनेज होत नाही हा सरकारचा प्रॉब्लेम आहे. मराठा समाजाला डिवचू नका
जो आपल्या बाजूनं तोच आपला नेता
प्रश्न मार्गी लावा, नाटकं कशाला करता, सरकारला इशारा
मी सरकारला अनेकदा वेळ दिला
मंत्री बधीरपणे वागत आहेत
२० जानेवारीला मुंबईत आमरण उपोषण
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
