सबस्क्राईब करा
मानवत - आई सोबत शेतात गेलेल्या चार वर्षीय मुलगा बोरवेलमध्ये पडल्याची घटना तालुक्यातील उक्कलगाव शिवारात बुधवारी दुपारी एक वाजण्याच्या सुमारास घडली आहे. प्रशासन मुलाला वाचविण्यासाठी शर्थीचे प्रयत्न करीत आहे.
उक्कलगाव शिवारातील गट क्र. ९६ येथे सुनील कृष्णासा दगडू यांची शेती आहे. उक्कलगाव येथील अंकुशराव पिंपळे ही शेती बटईने पाहतात. बुधवारी या शेतात तुरीच्या पिकांची खुरपणी सुरू होती.
अंकुशराव पिंपळे यांच्या चार वर्षाच्या नातु गोलू सुरेश पिंपळे हा आजीसोबत शेतात आला होता. या शेतात बोरवेल उघड्या अवस्थेत होता. खेळताना बाहुली या बोरवेलमध्ये पडल्याने बाहुली काढण्याचा प्रयत्न करणारा गोलू बोरवेल मध्ये पडला. या बोरवेल मध्ये तो वीस फूट खोलीवर अडकून बसला आहे.
गोलू आवाजाला प्रतिसाद देत असुन, त्याने वरून सोडलेल्या दोरीला धरून ठेवले आहे. मुलाला बाहेर गाठण्यासाठी समांतर खोल खड्डा केला जात आहे. मुलाला बाहेर काढण्यासाठी सायंकाळी उशिरा होण्याची शक्यता आहे. नागरिकांनी घटनास्थळी गर्दी केली असुन, गोलू सुखरूप बाहेर यावा यासाठी प्रार्थना करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.