Latest Dharashiv News: तालुक्यातील तलमोड सिमा तपासणी नाक्यावर विधानसभा निवडणुकीच्या पार्श्वभूमीवर सुरू असलेल्या वाहनांच्या तपासणीत रविवारी (ता. २७) दुपारी महाराष्ट्र राज्य परिवहन महामंडळाच्या हैद्राबाद - अकलुज बसमध्ये प्रवास करणाऱ्या एका व्यक्तीकडे ३० किलो गांजा आढळून आला.
याबाबतची माहिती अशी की, उमरगा विधानसभा निवडणुकीची प्रक्रिया सुरू झाल्याने निवडणूक विभागाने सोलापूर -हैद्राबाद राष्ट्रीय महामार्गावर तलमोड गावानजिक तपासणी नाका सुरू केला आहे. रविवारी दुपारी हैद्राबादहुन अकलुजकडे (जि. सोलापूर) निघालेल्या बसची आरटीओ व स्थिर सर्वेक्षणा पथकाने (एस.एस.टी.) तपासणी सुरू केल्यानंतर एका व्यक्तीकडे व्हीआयपी बॅगमध्ये गांजा आढळून आला.