Latest Crime news: दहीहंडीत नाचण्याच्या कारणावरून झालेल्या वादानंतर त्यामध्ये समेट घडविण्यासाठी शुक्रवारी (ता. ६) एकत्र आलेल्या युवकांमध्ये पुन्हा वाद होऊन एकाचा चाकूने भोसकून खून केल्याची घटना शहरातील राज कॉर्नर येथे भरदिवसा मुख्य रस्त्यावर घडली.
वैभव दत्तराम दुधाटे (रा. बसमत) असे मृताचे नाव आहे. या प्रकरणी पोलिसांनी एका आरोपीस अटक केली असून आणि आरोपींचा शोध घेतला जात आहे.दहीहंडीच्या ठिकाणी चैतन्यनगर येथे ५ सप्टेंबरला रात्री नऊच्या सुमारास नाचण्याच्या कारणावरून अंकुश प्रकाश इंगोले (वय २२, फ्लॉवर डेकोरेशन, रा. सहयोग नगर) याचा व तरोडा बुद्रूक येथील कृष्णा धोंडिबा मुळे यांचा वाद झाला होता. त्यावरून शुक्रवारी योगेश चौधरी (रा. राज कॉर्नर) हा अंकुश इंगोलेकडे ‘माफी माग’ म्हणून आला होता.
