जालना: स्थानिक स्वराज्य संस्थेतील रद्द करण्यात आलेल्या ओबीसी राजकीय आरक्षण मिळावे व मराठा आरक्षणाच्या मागणीसाठी शनिवारी (ता.२६) भाजपच्या वतीने शहरातील अंबड चौफुली येथे चक्का जाम आंदोलन केले.
स्थानिक स्वराज्य संस्थेतील ओबीसीचे राजकीय आरक्षण व मराठा आरक्षण सर्वोच्च न्यायालयाने रद्द केले होते. या दोन्ही आरक्षणासंदर्भात राज्य शासनाने न्यायालयात भक्कम बाजू मांडली नाही, असा आरोप भाजपकडून करण्यात आला. तसेच स्थानिक स्वराज्य संस्थेतील ओबीसीचे रद्द करण्यात आलेले राजकीय आरक्षण पूर्ववत करावे व मराठा आरक्षणाच्या मागणीसाठी भाजपकडून शनिवारी (ता.२६) शहरातील अंबड चौफुली येथे चक्का जाम आंदोनल करण्यात आले. यावेळी आंदोलकांनी आघाडी सरकारच्या विरोधात जोरदार घोषणाबाजी केली.
दरम्यान या चक्का जाम आंदोलनामुळे अंबड चौफुलीच्या चार ही बाजूने वाहतुकीची मोठी कोंडी झाली होती. आंदोलकांनी रूग्णवाहिका, अंत्यविधीला मार्ग मोकळा करून दिला. या आंदोलना दरम्यान पोलिसांचा मोठा बंदोबस्त तैनात करण्यात आला होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
