बीड -कोरोना विषाणूच्या प्रसाराची सर्वाधिक शक्यता ही गर्दीमुळेच असून, गर्दी रोखण्यासाठी प्रशासन विविध पावले उचलीत असताना आता समाजाचे विविध घटकदेखील त्याला प्रतिसाद देत आहेत. याचाच भाग म्हणून रविवारी (ता. १५) साखरपुड्यातच विवाह उरकून लग्नाचा खर्च टळल्याने एक लाख रुपये आंधळे कुटुंबीयांनी मुख्यमंत्री सहायता निधीला दिले.
सोमवारी (ता. १६) माजी आमदार केशव आंधळे यांनी या मदतीचा धनादेश जिल्हाधिकारी राहुल रेखावार यांना सुपूर्द केला. कोरोनाच्या उपचारासाठी ही रक्कम देण्यात आली. केशव आंधळे यांचे पुतणे आणि शंकरराव आंधळे यांचे चिरंजीव मयूर आंधळे यांचा विवाह समारंभ य रविवारी शिरूर कासार येथील त्र्यंबक खेडकर यांची कन्या अमृता हिच्यासोबत होता.
सध्या कोरोना विषाणूचा प्रसार वाढत आहे. त्यामुळे सामाजिक, राजकीय, यात्रा अशा कार्यक्रमांना प्रशासनानेच पायबंद घातला आहे. तर विवाह सोहळ्यांनादेखील गर्दी टाळण्याचे आवाहन जिल्हाधिकारी राहुल रेखावार यांनी केले होते. त्यामुळे या कुटुंबाने देखील साखरपुड्यातच मोजक्या पाहुण्यांच्या उपस्थितीत विवाह उरकला. लग्नाचा खर्च आणि गर्दी टाळली. त्याचे एक लाख रुपये कोरोना उपचारासाठी मुख्यमंत्री सहायता निधीसाठी देण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.