बीडमध्ये भीषण अपघात; टेम्पो पलटी झाल्याने एक ठार, दहा मजूर गंभीर जखमी

जातेगाव (जि.बीड) : कापूस खरेदी करून दुसरीकडे खरेदी केलेला मजूरासह कापूस भरण्यासाठी चाललेला भरधाव वेगातील टेम्पो पलटी झाला. यात टेम्पोतील एक जण ठार, तर अन्य दहा मजुर जखमी झाल्याची घटना रविवारी (ता.दोन) गेवराई-माजलगाव (Beed) राज्य रस्त्यावरील सुर्डी बुद्रुक येथे घडली आहे. जखमींपैकी एकाची प्रकृती चिंताजनक असल्याने पुढील उपचारासाठी त्याला औरंगाबाद (Aurangabad) येथे हलविण्यात आले आहे.टाकरवण (ता.माजलगाव) येथील कापसाचे खासगी व्यापारी यांनी गोळेगाव (ता.गेवराई) येथे खरेदी केलेला दहा ते पंधरा क्विंटल कापूस भरुन टेम्पो हा दहा ते बारा मजूरासह पुन्हा टाकरवणकडे गेवराई-माजलगाव राज्य रस्त्यावरून (Accident In Beed) भरधाव वेगात चाललेला टेम्पो सुर्डी बुद्रुक (ता गेवराई) जवळपास येताच अचानक चालकाचा ताबा सुटल्यामुळे पलटी झाला. (One Man Died, Ten Serious Injured In Accident In Beed)

टेम्पोतील अनिल एकनाथ लव्हाळे (वय ३०, रा. टाकरवण) या मजुराचा मृत्यू झाला. अन्य दहा मजुर गंभीर जखमी झाले असून यापैकी एका मजुराचा कोपरापासून हात बाजूला तुटून पडला. सदरील मजुराची प्रकृती चिंताजनक बनल्याने पुढील उपचारासाठी औरंगाबाद येथे हलविण्यात आले आहे. इतरांना जिल्हा रुग्णालयात उपचारासाठी दाखल करण्यात आले आहे.