तुळजापूर : वाद्यांचा ठेका, हळद-कुंकवाची उधळण, देवीचा जयजयकार करीत तुळजाभवानी मातेचे बुधवारी सीमोल्लंघन उत्साहात झाले. या सोहळ्या मोठ्या प्रमाणावर भाविक सहभागी झाले होते.
देवीचा पलंग पालखीची काल रात्री मध्यरात्री बाराला शुक्रवार पेठेतून मिरवणूक सुरू झाली. अग्रभागी पोत घेतलेल्या महिला आराधीनी होत्या. किसान चौकी, साळुंके गल्ली, आर्य चौक मार्गे पहाटे साडेचारच्या पलंग पालखी मंदिरात आली. त्यानंतर अभिषेक झाल्यानंतर देवीच्या मूर्तीला १०८ साड्यांचे दिंड बांधण्यात आले. धुपारती झाली. पालखीच्या दांड्याला गाद्या बांधण्यात आल्या. पालखीमध्ये गादी, मखमली कापड ठेवण्यात आले. पहाटे पावणेसहाच्या सुमारास सीमोल्लंघन सोहळ्याला सुरवात झाली. मंदिरात हळदी- कुंकवाची उधळण, फुलांच्या पाकळ्यांचा वर्षाव करण्यात आला. सीमोल्लंघन पारावर आल्यानंतर तुळजाभवानी मातेस साखरभात, पायसचा नैवेद्य दाखवून ओवाळणी झाली.
१० ऑक्टोबरपर्यंत निद्रा
तुळजाभवानी मातेचा सीमोल्लंघन सोहळा झाल्यानंतर देवीची मूर्ती भिंगार येथून आलेल्या पलंगावर १० ऑक्टोबरच्या पहाटेपर्यंत निद्रिस्त राहणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.