विधानसभेतील पराभव अल्पविराम आहे पुर्णविराम नाही- पंकजा मुंडे

बीड: आज (३ जून) भाजप नेते गोपीनाथ मुंडे यांचा स्मृतीदिन आहे. यानिमित्त गोपीनाथ मुंडेंच्या नावाच्या पोस्टल लिफाफ्याचं लोकार्पण करण्यात आले आहे. यावेळी बोलताना पंकजा मुंडेंनी सरकारवर टीका केली आहे. 'आरक्षणाबाबतीत सरकारने स्पष्ट भूमिका करावी. आता आरक्षणाच्या नावावर सरकारने राजकारण थांबवले पाहिजे. त्यामुळे मी आता या मुद्द्यासाठी महाराष्ट्राच्या कानाकोपऱ्यात जाणार असल्याचे पंकजा मुंडेंनी सांगितले.

पंकजा म्हणाल्या, 'मुख्यमंत्र्यांना भेटीसाठी वेळ मागून आरक्षणाच्या मुद्द्यावर चर्चा करणार आहे. विधानसभेतील पराभव हा अल्पविराम आहे पुर्णविराम नाही. सध्या आरक्षणाच्या मुद्द्यावर सरकार फक्त राजकारण करत आहे. सरकारने मराठा समाजाची चेष्टा केली आहे'

भारतील टपाल विभागाने गोपीनाथ मुंडेंच्या आठवणींना उजाळा देण्यासाठी त्यांच्या नावे लिफाफ्याचे लोकार्पण केले. 'कोरोनाचे नियम पाळून आम्ही गावागावात जाणार आहे आणि आरक्षणासंबंधी लोकांची मते जाणून घेणार आहोत. निवडणूक घ्यायच्या असतील तर पहिले आरक्षणाचा मुद्दा सोडवावा मगच निवडणुका घ्या असा इशारा पंकजा मुंडेंनी सरकारला दिला आहे.