देवगावफाटा ( जिल्हा परभणी ) : सेलू तालुक्यातील नरसापूर येथील एका वृध्दाने आपल्या राहत्या घरात गळफास घेऊन आत्महत्या केली. ही घटना रविवारी ( ता. १४ ) सकाळी सहा वाजेच्या सुमारास उघडकीस आली. शेषराव शंकरराव गडदे ( वय ६० ) असे आत्महत्या केलेल्या वृध्दांचे नाव आहे.
शेषराव गडदे यांना एक मुलगा आहे परंतु त्यांचा मुलगा मुंबई येथे राहत असल्यामुळे शेषराव गडदे हे नरसापूर येथे एकटेच राहत होते. नेहमीप्रमाणे शनिवारी रात्री शेषराव गडदे हे आपल्या राहत्या घरात झोपले होते. मात्र दुसर्‍या दिवशी सकाळी आजूबाजूचे शेजारी उठल्या नंतरही ते उठले नसल्याने शेजाऱ्यांनी खोलीच्या दरवाज्याजवळ जात आवाज देऊन दरवाजा ठोठावला मात्र, आतून कोणताही प्रतिसाद येत नसल्यामुळे शेजाऱ्यांनी खोलीला असलेल्या खिडकीतून डोकावून पाहिले तर, शेषराव गडदे हे घराच्या पत्राखाली असलेल्या आडूला दोरीच्या साह्याने गळफास लावलेल्या स्थितीत दिसून आले.
चारठाणा पोलिस ठाण्यात आकस्मिक मृत्यूची नोंद
त्यानंतर शेजाऱ्यांनी त्यांच्या भावाला सांगून भावाने या घटनेची माहिती चारठाणा पोलिस ठाण्यात दिली. त्यानंतर चारठाणा पोलिस ठाण्याचे पोलिस उपनिरीक्षक प्रदीप अल्लापूरकर, बीट हवालदार गुलाब भिसे यांनी तात्काळ घटनास्थळी दाखल होऊन घटनेचा पंचनामा केला व प्रेताची उत्तरीय तपासणी करण्यासाठी मृतदेह हा सेलू येथील शासकीय रुग्णालयात पाठवून दिला. याप्रकरणी चारठाणा पोलिस ठाण्यात आकस्मिक मृत्यूची नोंद करण्यात आल्याची माहिती पोलीस सुत्रांनी दिली आहे.
संपादन- प्रल्हाद कांबळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.