छत्रपती संभाजीनगर : विधानसभेच्या मध्य मतदारसंघात २४ उमेदवारांचे भवितव्य बुधवारी मतदान यंत्रात बंद झाले. तिरंगी लढतीत बाजी कोण मारणार, याची उत्सुकता संपणार असली, तरी यावेळी झालेले कमी मतदान चर्चेचा विषय आहे. ‘मध्य’मध्ये ५९.३५ टक्के मतदान झाले असून, मतांचा घटलेला आकडा शिवसेना महायुतीचे उमेदवार तथा विद्यमान आमदार प्रदीप जैस्वाल यांना धडकी भरविणारा असल्याचे मानले जात आहे.