उदगीर : येथील बुद्ध विहाराच्या उद्घाटनासाठी देशाच्या राष्ट्रपती द्रौपदी मुर्मू या ४ सप्टेंबर रोजी उदगीरात येत आहेत. राष्ट्रपती लँडिंग करणार असलेल्या हेलीपॅडची सोमवारी (ता.२) दुपारी भर पावसात हेलिकॉप्टर द्वारे चाचणी घेण्यात आली. राष्ट्रपतीच्या स्वागताची उदगीर शहरात जोरदार तयारी चालू आहे.उदगीर शहर भव्यदिव्य कमानीने नटले आहे. एक लाख नागरिकांना बसता यावे असे वॉटरप्रूफ मंडप भरण्यात आला आहे.