![Dadhegaon Zilla Parishad School](http://media.assettype.com/esakal%2F2024-07%2F776f0ef7-c48e-4e32-b95d-ff10a0e50885%2FANDOLANA.jpg?w=480&auto=format%2Ccompress&fit=max)
जोपर्यंत शाळेच्या इमारतीची दुरुस्ती होत नाही, तोपर्यंत मी आमरण उपोषण करणार असल्याचे काकडे यांनी सांगितले आहे.
-अशोक चांगले
सुखापुरी : सुखापुरी (ता. अंबड) परिसरातील दाढेगाव ग्रामपंचायतीचे (Dadhegaon Gram Panchayat) सदस्य राजू दशरथ काकडे यांनी शाळेबाबत गटशिक्षणधिकाऱ्यांना १८ जून रोजी निवेदन दिले होते. मात्र, अद्याप त्या निवेदनाची दखल घेण्यात आलेली नाही.
त्या निवेदन म्हटले आहे, की दाढेगावमधील जिल्हा परिषद शाळा (Zilla Parishad School) मोडकळीस आलेली आहे. शाळेवरचे पत्रे पूर्णपणे गळत आहेत. त्यामुळे विद्यार्थ्यांना जीव मुठीत धरून शिक्षण घ्यावे लागत आहे. जीर्ण झालेली ही इमारत कधीही कोसळू शकते. यात जीवितहानी होण्याचीही शक्यता आहे.
मात्र, याबाबत अद्याप प्रशासनाने कुठलीही दखल घेतली नाही. त्यामुळे मंगळवारी पुन्हा प्रशासनाला निवेदन देत राजू काकडे यांनी शाळेच्या पत्र्यावर बसून आमरण उपोषणाला सुरुवात केली आहे. जोपर्यंत शाळेच्या इमारतीची दुरुस्ती होत नाही, तोपर्यंत मी आमरण उपोषण करणार असल्याचे काकडे यांनी सांगितले आहे. दरम्यान, गावातील ग्रामस्थ व तरुणांनी काकडे यांच्या आंदोलनाला पाठिंबा दर्शविला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.