अहमदपूर (जि.लातूर) : तालुक्यातील बेलूर येथे पैशाच्या हिशोबावरून झालेल्या हाणामारीत एका ऊसतोड कामगाराचा मृत्यू झाल्याची घटना घडली आहे. बेलूर येथील शिवारात मागील आठ दिवसांपासून जवळपास तीस ऊसतोड कामगाराची एक टोळी काम करीत होती. दरम्यान सोमवारी (ता.२८) रात्री आठ वाजता कामगाराच्या पैशाच्या देवाण-घेवाणीतून एकमेकांत लाथा, बुक्क्यांनी हाणामारी झाली. अंधार असल्याने कोणाला किती मार लागला याचा अंदाज एकमेकाला आला नाही. नागनाथ सिताराम जाधव (वय ४५, रा.आहेरवाडी, जि.जळगाव) हे गंभीर जखमी झाले. परंतु अंधार असल्याने इतर व्यक्तींना ते शिवारात पडलेले कोणाला दिसले नाहीत. (Quarrel Over Money, Sugar Cutting Worker Died In Ahmedpur In Latur)
मंगळवारी (ता.२९) सकाळी नागनाथ जाधवांना रूग्णालयात घेऊन गेले परंतु उपचारास नेण्यासाठी उशीर झाला व त्यांचा मृत्यू झाला. या संदर्भात मृताचा पुतण्या मनोज मंगो जाधव यांच्या फिर्यादीवरून देवीदास परशुराम राठोड (वय ३९), दिलीप हरीलाल राठोड ( वय ३०), संदेश देविदास चव्हाण (वय १९, सर्व रा.देवरी ता.सोयगाव, जि.औरंगाबाद) यांच्या विरोधात अहमदपूर (Ahmedpur) पोलिस ठाण्यात गुन्हा नोंद झाला असून आरोपीस अटक केली आहे.
पुढील तपास पोलीस उपविभागीय अधिकारी बलराज लंजीले करित आहेत. (Latur)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
