Gangapur News: एक महिन्यापासून दांडी मारलेला पाऊस अखेर बरसला

Latest Rain News: मध्यरात्रीपासून तालुक्यात जोरदार हजेरी लावली. दिवसभर रिमझिम व हलक्या सरी सुरू होत्या. यामुळे शेतकरी व व्यापारीवर्गात समाधानाचे वातावरण आहे.

दिवसभर कमी-अधिक प्रमाणात सुरू असलेल्या पावसाने अनेकांची धावपळ झाली. तर अनेकांना घरात बसून पाऊस पाहावा लागला. तालुक्यात मुसळधार पावसाने हजेरी लावली असून, पावसामुळे नागरिकांना दिलासा मिळाला आहे. पावसामुळे शेतकऱ्यांमध्ये आनंदाचे वातावरण निर्माण झाले आहे.

तालुक्यात, कपाशी मका, सोयाबीन ही पिके प्रामुख्याने घेतली जातात. पाऊस उशिरा दाखल झाल्याने मका यंदा उशिरा लागवड होणार आहे. त्यामुळे पिकाच्या उत्पन्नात घट होण्याची चिन्हे आहेत.