छ्त्रपती संभाजीनगर - आठवडाभरापासून विश्रांती घेणारा पाऊस सक्रिय झाला आणि नांदेड, परभणी, हिंगोली जिल्ह्यांना अक्षरशः झोडपून काढले. नदी-नाल्यांना पूर आला. हिंगोलीतील काही वसाहतींत पाणी शिरल्याने नारिकांची तारांबळ उडाली. शेतात पाणीच पाणी झाले. अन्य जिल्ह्यांतही पावसाची संततधार सुरू होती. या पावसामुळे धरणांतील जलसाठे वाढीसाठी मोठी मदत होत आहे. काही धरणे भरली असून विसर्ग करावा लागत आहे.