पाचोड - बावीस वर्षीय तरुणीला लग्नाचे आमिष दाखवून तिच्यावर बलात्कार करणाऱ्या तरुणाविरुद्ध पाचोड (ता. पैठण) पोलिसांनी शुक्रवारी (ता.२०) बलात्काराचा गुन्हा दाखल करून त्यास अटक केल्याची घटना आडूळ (ता. पैठण) येथे घडली.
यासंबंधी अधिक माहिती अशी, आडुळ येथील इस्लामपुरा भागात राहणाऱ्या एका २२ वर्षीय अविवाहित तरुणीला गावांतील मोसिन समद शेख (वय-२१ वर्षे) या युवकाने तिला लग्नाचे आमिष दाखवून तिच्याशी संबंध ठेवून दोन वर्षांपासुन तिच्यावर वारंवार बलत्कार करुन तिचे शारिरीक शोषण केले.
मागील काही महिन्यांपासुन सदरील पिडीत तरुणीने संशयीत मोसीन शेख याचेकडे लग्न करण्याचा तगादा लावल्याने मोसीनने तिला मारहाण करुन लग्नास नकार दिला. आपली फसवणूक झाल्याचे लक्षात आल्यानंतर त्या पिडीत तरुणीने शुक्रवारी (ता. २०) पाचोड पोलीस ठाण्यात मोसिन समद शेख या तरुणाविरुध्द तक्रार दाखल दिली.
पाचोड पोलिसांनी या प्रकरणी शेख मोसीन विरुद्ध बलात्काराचा गुन्हा दाखल करून त्यास गजाआड केले. या प्रकरणाचा पुढील तपास सहायक पोलीस निरिक्षक शरदचंद्र रोडगे यांच्या मार्गदर्शनाखाली बिट अंमलदार सहाय्यक फौजदार जगन्नाथ उबाळे करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.