Shegaon Crime : अनैतिक संबंधात अडसर ठरणारा पतीचा प्रियकर ; 12 तासांच्या आत पत्नीने संगनमताने खुन केल्याचे उघड

लोहगाव : जायकवाडी प्रकल्पामुळे पैठण तालुक्यात पुर्नवसित झालेले अहिल्यानगर जिल्ह्यातील विजयपूर (ब्राम्हणगाव) येथे प्रियकर आणि विवाहित प्रियसीने अनैतिक संबंधात अडसर ठरणारा पतीचा संगनमताने खुन केल्याचा गुन्ह्य शेवगाव पोलीसांनी उघड केला असुन पैठण, बिडकीन,भागातुन दोन्ही आरोपींना पोलीसांनी गजागाड केले आहे.

या घटने संमंधी माहिती अशी की कृष्णापूर (ता.पैठण) येथुन काही महिन्यांपूर्वी विजयपूर गावातील विठ्ठल रखुमाई मंदिर परिसरात कुंटूबासह राहण्यास आलेल्या ज्ञानेश्वर पांडुरंग जाधव (वय ३२) यांच्या पत्नीचे गावातील अनिल ज्ञानदेव जगदाळे ( वय २३) यांच्याशी प्रेमसंबंध जुळलेले होते.

अनैतिक संबंधात पती अडसर ठरत असल्याने शुक्रवार (ता.४) दुपारी ज्ञानेश्वर जाधव हा घरात आराम करित असताना पत्नी व प्रियकर अनिल जगदाळे, यांने संगनमत करून अडथळाला ठरणारा ज्ञानेश्वर जाधव, यांच्या डोक्यात, हातावर, छातीवर लोखंडी गजाने मारहान करित गंभीर जखमी करुन जीवे ठार मारल्याची घटना घडली होती.

या प्रकरणी मयताचे वडिल पांडुरंग बाबासाहेब जाधव (वय ७७) यांनी या दोघांविरुध्द (ता.५)शेवगाव पोलीस ठाण्यात दिलेल्या फिर्यादीवरून पोलीस निरीक्षक समाधान नांगरे, यांनी गु.रजि.नं. ८०१/२०२४ भा.न्या.सं.कलम-१०३(१) प्रमाणे गुन्हा दाखल करत या तपासासाठी दोन पथके बिडकीन,पैठण,व छञपती संभाजीनगर, भागात पाठवून वेगाने तपासाची चक्रे फिरवत,

एका ठिकाणाहून आरोपी अनिल जगदाळे यास काही तासांतच,तर दुस-या ठिकाणाहून त्याची साथीदार आरोपी प्रियसीला पोलीस पथकाने १२ तासांच्या आत ताब्यात घेत गुन्ह्याविषयी आरोपीला विश्वासात घेऊन विचारपुस केली असता आरोपीने खुनाचा गुन्ह्याची कबुली दिली असून आरोपीस अटक केली आहे.

सदरची कारवाई अहिल्यानगर पोलीस अधिक्षक राकेश ओला, अप्पर पोलीस अधिक्षक प्रशांत खैरे,उपविभागिय पोलीस अधिकारी सुनिल पाटील यांचे मार्गदर्शनाखाली पो.नि. समाधान नागरे, सपोनि. सुंदरडे, फौजदार अमोल पवार, हवालदार नितीन भताने, श्री नाकाडे, निलेश म्हस्के, किशोर काळे, पोना संभाजी धायतडक, शाम गुंजाळ, धाकतोडे, संतोष वाघ, राहुल खेडकर, प्रशांत आंधळे ,या टिमने तपास केला.