हिंगोली : दक्षिण मध्य रेल्वेतर्फ चार फेब्रुवारीला अयोध्येसाठी जालना-पूर्णा- नांदेड-चंद्रपूर- नागपूर मार्गे एक फेरी, १४ फेब्रुवारीला नांदेड- पूर्णा - जालना- छत्रपती संभाजीनगर- मनमाड मार्गे एक फेरी तर १८ फेब्रुवारीला सिंकदराबाद- नांदेड - हिंगोली - अकोला - खंडवामार्गे एक फेरी अयोध्याधाम विशेष रेल्वे धावणार आहे.
या रेल्वे अयोध्येमधून परतीचा प्रवासासही करणार असल्याची माहिती रेल्वेच्या सूत्रांनी दिली. या गाड्यांना २२ डबे असतील. सिंकदराबाद- अयोध्याधाम (रेल्वे क्रमांक ०७२९७) एक दिवसीय विशेष रेल्वे १८ फेब्रुवारीला हिंगोली येथे रात्री ११.२० ला पोचेल. वाशिम, अकोला, मलकापूर, खंडवा, इटारसी, भोपाळ, झांसी, कानपूर, लखनऊ मार्ग २० फेब्रुवारीला पहाटे ३.३५ ला अयोध्याधाम येथे पोचेल.
परतीच्या प्रवासासाठी ती (०७२९७) अयोध्याधाम येथून २१ फेब्रुवारीला दुपारी २.२० ला सुटेल. हिंगोली येथे २२ फेब्रुवारीला सायंकाळी ६.१३ ला येईल. वसमत,
पूर्णा, नांदेड, बासर, निजामाबाद, कामारेड्डी मार्गे ती सिंकदराबादला २३ फेब्रुवारीला सकाळी ९.१५ ला पोचेल. स्टेशन मास्टर रामसिंग मीना व मनोज घाघरे यांनी ही माहिती दिली.
हिंगोली मार्गे अयोध्याधाम विशेष रेल्वे सोडण्यात येणार असल्याने खासदार हेमंत पाटील, आमदार तान्हाजी मुटकुळे, आमदार संतोष बांगर, बाबाराव बांगर, दिलीप चव्हाण, धरमचंद बडेरा, जेठानंद नेनवाणी, गणेश साहू, डॉ. निलावार, प्रवीण पडघन आदींनी रेल्वे प्रशासनाचे आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.