कन्नड, ता. 26 (जि.औरंगाबाद) ः शहरातील कॉलेज रस्ता परिसरात अर्जुन सोनवणे हा मुलगा रविवारी (ता. 25) सायंकाळी घरातून बाहेर खेळायला गेला असता एक अनोळखी व्यक्ती परिसरातील एका घराचे कुलूप तोडत असल्याचे त्याच्या लक्षात आले. शाळेमध्ये दक्षता आणि सुरक्षितता या विषयावर काय करावे याबाबद्दल दिलेली माहिती कामास आली. अर्जुनने घाबरून न जाता घरी येऊन हा प्रकार सांगितला.
अर्जुन व त्याच्या आईने घराबाहेर येऊन मोठमोठ्याने आरडाओरड केली. यामुळे कुलूप तोडून घरात घुसलेला चोर पळून गेला. पाचवीत शिकणाऱ्या अर्जुनच्या सतर्कतेमुळे घरमालकाचे मोठे आर्थिक नुकसान टळले. शाळेत आभ्यासाव्यतिरिक्त शिकविलेल्या इतर कौशल्यांचा व्यवहारातही उपयोग झाला. अर्जुनच्या या बहादुरीबद्दल कृष्णा इंटरनॅशनल शाळेतील शिक्षकांनी त्याचा सत्कार केला. संस्थेचे अध्यक्ष सचिन पवार, प्राचार्या वसुंधरा पवार यांनी अर्जुनचे कौतुक केले. जिल्हा बॅंकेचे अधिकारी विश्वासराव सोनवणे, शिक्षिका राधिका सोनवणे यांचा अर्जुन मुलगा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.