घनसावंगीत ऊस वाहतूकदारांचा ट्रॅक्टर मोर्चा,दर वाढवण्याची मागणी

घनसावंगी (जि.जालना) : ऊसवाहतुकीचे दर आणि कमिशन वाढवून मिळवून देण्यात यावे, या मागणी करिता ऊस वाहतूकदार संघटनेच्या (Sugar Cane Transporter Association) वतीने संघटनेचे अध्यक्ष अतुल खुपसे यांच्या नेतृत्वाखाली घनसावंगी येथे सोमवारी (ता.चार) नवीन बसस्थानक ते तहसील कार्यालयापर्यंत ट्रॅक्टर मोर्चा काढून मागण्यांकडे लक्ष वेधण्यात आले. गेल्या अनेक वर्षांपासून ऊस वाहतूक करणार्‍या वाहनांची (Ghansawangi) दरवाढ झाली नाही. तीन वर्षाला ऊसतोडणी भाववाढ केली नाही, तर ऊसतोडणीधारक संप करतात. त्या धर्तीवर ऊस वाहतूकदारांना तीन वर्षाला दरवाढ (टायर किंमत, ड्रायव्हर पगार, कोयता मजूर) यांची झालेली वाढ (Jalna) यांचा विचार करता डिझेल दर गेल्या पाच वर्षापूर्वी 64 रूपये इतका होता. आता शंभर रूपयाच्या आसपास झालेला आहे. डिझेलच्या पटीत पन्नास टक्के दरवाढ झाली पाहिजे. परंतू ट्रक व ट्रॅक्टरच्या वाढलेल्या किंमती आणि वरील सर्व गोष्टींचा विचार करीता पन्नास टक्के दरवाढ झाली पाहिजे.

कारखाना शेतकर्‍यांचा आहे. आणि शेतकरी कारखान्यांचे आहेत. तसेच ऊस वाहतूकदार ही शेतकर्‍यांची पोरं आहेत. शेतकरी आणि ऊस वाहतूकदार वेगळी नाहीत, म्हणून कारखान्यांनी वाढलेल्या कोयत्यांचा मजूर दर पाहता कमीत-कमी 75 टक्के ( अंदाजे दहा लाख ) रूपये अ‍ॅडव्हान्स म्हणून द्यावी व सदर रक्कम ही दोन टप्प्यात द्यावी. ऊस वाहतूक दरांचा करार केल्यानंतर अ‍ॅडव्हान्स देण्याच्या अगोदर त्यांच्या ट्रॅक्टर व ट्रक चांगल्या कंडिशनमध्ये असल्याचे चेक केले जाते. त्यांची टोळी आहे का ते त्या ठिाकणी जावून चेक करून प्रत्येक मजूरांचे आधारकार्ड यासह इतर कागद पेपर घेतले जाते. त्या नंतर वाहनमालकांना अ‍ॅडव्हान्सचा पहिला हप्ता दिला. यामध्ये सुधारणा करून वाहतूकदारांनाही कारखान्यांनी सहकार्य करावे, असे निवेदनात म्हटले आहे. ऊसतोड वाहतूकदार संघटनेचे अध्यक्ष अतूल खुपसे यांनी तहसीलदार नरेंद्र देशमुख यांना मागण्याचे निवेदन दिले. यावेळी कृष्णा पवार यांच्यासह ऊसतोड वाहतूकदार मोठ्या संख्येनी उपस्थित होते.