सबस्क्राईब करा
धाराशिव : कर्नाटकातील तीन ट्रकमधून लुटारुंनी दोन लाख रुपयांचा माल लंपास केला आहे. चालत्या ट्रकमधून चोरट्यांनी माल पळविला आहे. धुळे सोलापूर राष्ट्रीय महामार्गावर धाराशिव जिल्हा हद्दीत (मलकापूर ते येडशी दरम्यान) हा प्रकार घडला आहे. राष्ट्रीय महामार्गावर वाहनांना लुटण्याचे प्रकार थांबण्याचे नाव घेत नाहीत. उमरगा हद्दीत एका निवेदिकेची गाडी अडवून
लुटण्याचा प्रयत्न घेडलेला असताना पुन्हा एकदा असाच प्रकार घडला आहे. विशेष म्हणजे एकाच दिवशी तिन ट्रक एकाच ठिकाणी लुटण्यात आले आहेत. चालत्या ट्रकमधून चोरट्यांनी माल लंपास केले आहेत. या तिन्ही ट्रक कर्नाटकातील आहेत. छत्रपती संभाजीनगरहून सोलापूरच्या दिशेने ट्रक जात होत्या. केए २५ - एए ६३८९ या ट्रकमधून ५४ हजार ५०९ रुपयांचे लेडीज
ड्रेस मटेरियल चोरट्यांनी पळविले आहे. ट्रकवर चढून त्यावरील ताडपत्री फाडून माल लंपास केला आहे. त्याच ठिकाणी ट्रक क्रमांक केए २५, एए ४२२० मधून १० हजार २३८ रुपयांचे लेडीज ड्रेस मअेरियल चोरीला गेले आहे.
तर गाडी क्रमांक केए २५, एए ६८८१ या ट्रकमधून पुरुषांचे शर्ट, शिगारेट, सोनपापडी, लेडीज शर्ट, छत्रीच्या काड्या असा सुमारे २ लाख ९ हजार ३१५ रुपयांचा माल चोरट्यांनी चालत्या गाडीतून पळवला आहे.दिनेश शिवराज गवशेट्टी यांनी दिलेल्या फिर्यादीवरून येरमाळा (ता. कळंब) पोलिस ठाण्यात गुन्हा दाखल झाला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
