जिंतूर (जि.परभणी) : जिंतूर-औंढा महामार्गावरील एका पेट्रोल पंपाजवळ दोन दुचाकी परस्पर भिडल्याने झालेल्या अपघातात तीनजण गंभीर जखमी झाल्याची घटना शहरापासून चार किलोमीटरवर रविवारी दुपारनंतर चारच्या सुमारास घडली. जखमींना येथील शासकीय रुग्णालयातील प्रथमोपचारानंतर पुढील उपचारासाठी बाहेरगावी हलविण्यात आले. घटनेत दोन्ही दुचाकी भरधाव वेगात परस्पर भिडल्याने अपघात झाला. (Three People Injured In Accident In Jintur Of Parbhani)
अपघाताची माहिती समजताच महामार्ग पोलीस चौकीचे पोलीस निरीक्षक गणेश कदम, पोलीस कर्मचारी शेख शकील यांनी घटनास्थळी धाव घेत जखमी अवस्थेत पडलेले अमर हरिभाऊ जगताप (वय २३ रा.पुंगळा ता.जिंतूर), अनिता साहेबराव शेरे (३०), साहेबराव गोरख शेरे (३५, दोघे रा. घाटनादुर ता.आंबेजोगाई) यांना अमोल देशमुख, नागेश आकात यांच्या मदतीने रुग्णालयात दाखल केले. डाॅ.गजानन काळे, गंगाधर पालवे, बालाजी नेटके, कटारे, सिस्टर शिंदे आदींनी प्राथमिक उपचार केले.
साहेबराव शेरे यांच्या उजव्या पायाला गंभीर मार लागला. अनिता शेरे यांनाही बराच मुक्का मार लागलेला असून या पती पत्नीस नांदेड रुग्णालयात, तर अमर जगताप यांना डोक्याला, पायाला मार लागल्याने परभणी (Parbhani) जिल्हा सामान्य रुग्णालयात हलविण्यात आले. अपघाताची पोलिस ठाण्यात सदरील घटनेची नोंद झाली नव्हती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
