मृत शेतकरी हा मागील काही दिवसांपासून मराठवाड्यातील हिंगोली जिल्ह्यात भाजीपाला विक्रीस आणत असल्याची माहिती पोलिसांकडून देण्यात आली.
जातेगाव (जि. बीड) : भाजीपाला विक्रीस (Selling Vegetables) घेऊन चाललेल्या पिकअपच्या भीषण अपघातात शेतक-यासह त्याचा जोडीदार जागीच ठार झाल्याची घटना आज, बुधवार (ता. २६) पहाटे पाथर्डी-विशाखापट्टणम राष्ट्रीय महामार्गावरील मादळमोही (ता. गेवराई) येथे घडली.
बोरीखुर्द (ता. जुन्नर, जि. पुणे) भाजीपाला उत्पादक शेतकरी राजू सुरेश बांगर (वय २७) हे पिकअपमध्ये मिरची, कोबी अदी भाजीपाला घेऊन हिंगोली येथे विक्रीस चालले होते. मादळमोहीतील (ता. गेवराई) पाथर्डी- विशाखापट्टणम राष्ट्रीय महामार्गावर येथे पिकअपचा भीषण अपघात झाला.
पिकअपने तीन चार पलटी घेतल्याने शेतकरी राजू बांगर व त्याचा जोडीदार यांचा जागीच मृत्यू झाला. अपघाताची पोलिसांना माहिती मिळताच घटनास्थळावर जाऊन पंचनामा करुन दोन्ही मृतदेह मादळमोही प्राथमिक आरोग्य केंद्रात शवविच्छेदन करण्यात आले.
दरम्यान, जुन्नर तालुक्यात भाजीपाल्यास योग्य दर मिळत नसल्याने मृत शेतकरी हा मागील काही दिवसांपासून मराठवाड्यातील हिंगोली जिल्ह्यात भाजीपाला विक्रीस आणत असल्याची माहिती पोलिसांकडून देण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
