केदारखेडा : भोकरदन तालुक्यातील भोकरदन पोलिस ठाणे हद्दीतील जवखेडा ठोंबरी येथील शेतवस्तीवर मोठी घरफोडी झाली असल्याची घटना (ता.२९ ) रात्रीच्या सुमारास घडली आहे.
शेतात राहत असलेले गजानन रामकिसन ठोंबरे यांच्या राहत्या घरात अज्ञात चोरट्यांनी धुमाकूळ घालत सोने व रोख रक्कम चोरी केली. घटनेची माहिती मिळताच सहाय्यक पोलिस निरीक्षक बालाजी वैद्य, पी.एस.आय. पवन राजपुत, विकास जाधव, पोलिस कॉन्स्टेबल शरद शिंदे यांनी घटनास्थळी धाव घेत पंचनामा करत श्वानपथक व ठस्से तज्ञ पथक यांना पाचारण केले.
शेतवस्ती ही जालना-भोकरदन महामार्गालगत काही मिनीटांच्या अंतरावर, शेतातील वस्तीवर असलेल्या घरात रात्री लाईट नसल्याने गजानन ठोंबरे, दुर्गाबाई ठोंबरे हे स्लॅबवर झोपायाला गेले होते. त्यांना सकाळी जाग आल्यावर दुर्गाबाई ठोंबरे यांना घराची कुलुप तुटलेल्या अवस्थेत आढळले. ही घटना त्यांनी पती गजानन ठोंबरे यांनी लगेच सांगितली. यावेळी कपाटातील बँगमध्ये असलेले दोन लाख सहा हजार व अडीच तोळे सोने हे चोरी गेल्याचे लक्षात आले. शेजारच्या शेतात बँगमधील वस्तू काढुन घेऊन बॅग फेकून देत चोर पसार झाले होते.
घरातील कपाटातील सोन्याचा ऐवज आणि रोख रक्कम लंपास झाले असल्याची माहिती ठोंबरे यांनी पोलिसांनी दिली. सदरच्या घटनेने जवखेडा ठोंबरी तसेच केदारखेडा परिसरात भितीचे वातावरण निर्माण झाले आहे. पुढील तपास भोकरदन पोलीस स्टेशन वैदय,राजपुत हे करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
