तुळजापूर (जि.उस्मानाबाद) : उस्मानाबाद (Osmanabad) -तुळजापूर रस्त्यावर कंटेनरने दुचाकीस जोराची धडक दिल्याने दुचाकीवरील दोन जण जागीच ठार झाले आहेत. ही दुर्घटना बुधवारी (ता.१५) दुपारी एक वाजण्याच्या सुमारास शहरानजीक घडली. उपजिल्हा रुग्णालयाच्या सुत्रांनी दिलेल्या माहितीनुसार अपघातातील मृतांची नावे कैलास लक्ष्मण पवार (वय ४५, रा. अपसिंगा रोड, शिक्षक सोसायटी, तुळजापूर), दत्तात्रय वसंतराव जगताप (वय ५०, रा. वेताळनगर, तुळजापूर) असे आहेत. (Two People Died In Accident In Tuljapur Of Osmanabad)
या संदर्भात घटनास्थळावरून मिळालेल्या माहितीनुसार दोघे जण स्कुटीवरून अपसिंगा रोड येथून तुळजापूर (Tuljapur) शहरात येत असताना कंटेनरने जोराची धडक दिल्याने दोघेही जागीच ठार झाले. अपघाताची घटना कळताच तुळजापूरचे पोलीस निरीक्षक आदिनाथ काशीद यांच्यासह पोलीस कर्मचारी घटनास्थळी दाखल झाले. कंटेनरला पकडल्याचे सांगण्यात आले.
अपघात मोठा गंभीर झाला, असे प्रत्यक्षदर्शींनी सांगितले. शवविच्छेदनासाठी मृतांचे पार्थिव उपजिल्हा रुग्णालयात आणण्यात आले. शवविच्छेदन झाल्यानंतर पार्थिव नातेवाईकांकडे ताब्यात देण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
