नांदेड : सुसाट वेगाने जाणाऱ्या एका बोलेरो जीपने एका दुचाकीला जबर धडक दिली. या धडकेत दुचाकीवरील महिला जागीच ठार झाली. मात्र सुदैवाने तिचे दोन्ही चिमुकले दुर फेकल्या गेल्याने जखमी झाले. हा अपघात जुना कौठा परिसरात शनिवारी (ता. २१) सायंकाळी पाचच्या सुमारास घडला.
सिडको परिसरातील यशोधरानगर येथील रहिवासी भाग्यश्री सुरेश साखरे (वय २५) ही तिचे आवळे जावळे असलेले गणेश (वय सहा) व राधिका (वय सहा) या दोन चिमुकल्यांना घेऊन सराफा बाजारात पैंजण आणण्यासाठी आपल्या स्कुटीवर आली होती. सराफात खरेदी करून ती आपल्या मुलांना घेऊन परत जुना मोंढाकडून सिडकोकडे जात होती. यावेळी तिची स्कुटी शर्मा ट्रॅव्हल्स कार्यालयासमोर येताच पाठीमागून आलेल्या बोलेरोने स्कुटीला जबर धडक दिली. ही धडक इतकी जोरात होती की, दुचाकीवरील भाग्यश्री साखरे ह्या व त्यांचे दोन्ही मुल दुर फेकल्या गेले. मात्र भाग्यश्री ह्या रस्त्याच्या दुभाजकावर पडल्याने त्यांच्या डोक्याला जबर मार लागला. या अपघातात त्या जागीच ठार झाल्या. सुदैवाने त्यांची दोन्ही मुलं रस्त्याच्या कडेला फेकल्या गेल्याने ते बचावले. परंतु या भिषण अघातात ते गंभीर जखमी झाले. त्यांच्यावर उपचार सुरू आहेत.
हेही वाचा ---`नाक’ फोडून मोबाईल लंपास
पोलिस व नातेवाईक घटनास्थळी
अपघाताची माहिती नांदेड ग्रामिण पोलिस व तिच्या नातेवाईकांना समजताच त्यांनी घटनास्थळाकडे धाव घेतली. अपघात घडताच बोलेरो चालकाने आपले वाहन सुसाट वेगाने लोहाकडे पळविले. हा प्रकार येथे असलेल्या सीसीटीव्ही फुटेजमध्ये कैद झाला आहे. मयत भाग्यश्री यांचे पती सुरेश साखरे यांच्या फिर्यादीवरुन पोलिसांनी बोलेरो चालकाविरुध्द गुन्हा दाखल केला आहे. या अपघाताचा तपास सहाय्यक पोलिस निरीक्षक नितीन सांगळे करीत आहेत.
येथे क्लीक तर करा--‘या’ वादातून भावाचे दात पाडले
घटनास्थळी बघ्यांची गर्दी
बोलेरोने दुचाकीला धडकेत एक महिला ठार झाली तर तिचे दोन चिमुकले गंभीर जखमी झाले आहेत. घटना घडल्यानंतर रस्त्यावर बघ्यांनी गर्दी केली. तसेच या मार्गावरील वाहतुक काही वेळेसाठी ठप्प झाली होती. नविन पुलावरून सिडकोकडे जाताना उतरता रस्ता असल्याने वाहनचालकांना कसरत करावी लागते. सुसाट वाहनावरील चालकाचा ताबा सुटतो व अपघात होतो. हा पॉईन्ट अपघाताला नेहमीच निमंत्रण देत आहे. सार्वजनीक बांधकाम विभाग किंवा शहर वाहतुक शाखेने या ठिकाणी गतीरोधक बसविले तर भविष्यात होणारे अपघात टळतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.