Latest Marathawada news: वाळूमाफियांकडून होणाऱ्या त्रासाला कंटाळून एका ४५ वर्षीय व्यक्तीने गळफास घेऊन आत्महत्या केली. ही घटना रविवारी पहाटे साडेचारच्या सुमारास उघडकीस आली. हरिभाऊ कडू राशनकर (रा. नागमठाण, ता. वैजापूर) असे आत्महत्या करणाऱ्या व्यक्तीचे नाव आहे.
याबाबत नातेवाइकांकडून मिळालेल्या प्राथमिक माहितीनुसार, राशनकर यांना नागमठाण येथीलच वाळूमाफिया असलेला एक व्यक्ती नेहमी त्रास देत होता. त्या वाळूमाफियाने त्यांच्या मुलावर षड्यंत्र रचून खोटा गुन्हा दाखल केल्याने ते चिंतित होते. या विंवचनेतून त्यांनी रविवारी रात्री गळफास घेतला. ही बाब पहाटे उघडकीस आली. त्यांना नातेवाइकांनी तातडीने बेशुद्ध अवस्थेत उपजिल्हा रुग्णालयात दाखल केले असता वैद्यकीय अधिकाऱ्यांनी त्यांना तपासून मृत घोषित केले. या घटनेची माहिती मिळताच वीरगाव पोलिस ठाण्याचे गुणवंत थोरात व बावसकर यांनी घटनास्थळी धाव घेतली. मृताच्या नातेवाइकांनी संबंधित वाळूमाफियांवर गुन्हा दाखल करावा, अशी मागणी केली आहे. अधिक तपास वीरगाव ठाण्याचे निरीक्षक शंकर वाघमोडे यांच्या मार्गदर्शनाखाली पोलिस करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
