जातेगाव (जि.बीड) : माहेरी भावाबरोबर रक्षाबंधन साजरा करून सासरी पतीबरोबर दुचाकीवरून परतत असताना गाव शिवारात प्रवेश करताच पाठमागे बसलेल्या पत्नीचा दुचाकीवरून पडल्याने (Beed) दुर्दैवी मृत्यू झाल्याची घटना रविवारी (ता.२२) चोपड्याची वाडी शिवारात सायंकाळी उशिरा घडली. सुनिता अशोक भावले (वय २५, रा.भावले वस्ती, ता.गेवराई) (Gevrai) असे मृत्यू झालेल्या विवाहितेचे नाव आहे. रविवारी (ता.२२) रक्षाबंधन असल्याने पती अशोक भावले आणि दोन मुलासह माहेरी बागपिंपळगाव येथे भावांना राखी बांधण्यास गेली होती. दुपारनंतर दुचाकीवरून (Accident) आपल्या पती आणि दोन मुलांसह गावाकडे परत निघाले. वस्तीजवळ खड्डा चुकवताना दुचाकी खड्ड्यात आदळल्याने पाठमागे बसलेली सुनिता भावले खाली पडल्या. त्यांना गंभीर मार लागल्याने जागीच बेशुद्ध झाल्या.
यामुळे तात्काळ उपचारास नेत असतानाच वाटेतच त्यांचा दुर्दैवी मृत्यू झाला. रात्री उशिरा त्यांच्यावर अंत्यसंस्कार करण्यात आले. सकाळी रक्षाबंधन उरकून परत येणाऱ्या बहिणचा मृत्यू भावांना दुख:द धक्कादायक ठरला आहे. सुनिता भावले यांच्या पश्चात पती, एक मुलगा, एक मुलगी, सासु व सासरे असा परिवार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
