महिलेने दिला तिळ्यांना जन्म, तिघांची तब्येत ठणठणीत

हिंगोली : एका महिलेने चक्क तिळ्यांना (Triplet) जन्म दिला आहे. विश्वास बसत नाही ना ! पण ही घटना खरी आहे. ती हिंगोली (Hingoli) जिल्ह्यातील कमळनुरी तालुक्यात घडली आहे. बऱ्याचदा जुळ्यांना जन्म दिल्याच्या बातम्या ऐकायला मिळतात. पण जिल्ह्यातील वाकोडी येडोबा (ता.कळमनुरी) येथील (Kalamnuri) महिलेने तीन बाळांना जन्म दिला आहे. यात दोन मुले आणि एका मुलगी आहे. या तिळ्यांच्या आईचे नाव आहे स्वाती बालाजी काकडे. या तिघांच्या जन्मात एकेक मिनिटाचा फरक असून आईची तब्येत चांगली आहे. स्वाती काकडे यांची ही प्रसूतीची पहिलीच वेळ होती. तीन बाळ होतील असे सोनोग्राफीत कळले होते.(Marathwada)

त्यामुळे गरोदरपणातच पत्नीची विशेष काळजी घेत असल्याचे पती बालाजी काकडे यांनी प्रतिक्रियेत सांगितले. तिन्ही बाळांचे वजन क्रमश: १ किलो ८०० ग्रॅम, १ किलो ७०० आणि १ किलो ६०० असे आहे. तिळ्यांच्या जन्माने कुटुंबामध्ये आनंदाचे वातावरण आहे.