जातेगाव: गेवराई शहरात एका वाॅशिग सेंटरवर काम करणा-या विस वर्षीय युवकाचे अपहरण करून जबर मारहाण केल्याचा प्रकार ता ३० सप्टेंबर रोजी वडीगोद्री परिसरात घडला असून सदरील तरुणावर बीडमधील एका खासगी रुग्णालयात उपचार सुरू आहेत.
किशोर दिपक शिंदे(वय २०)रा.गेवराई जि.बीड असे मारहाण झालेल्या युवकाचे नाव आहे.गेवराई शहरातील पांढरवाडी रस्त्यावरील एका वाॅशिग सेंटरवर तो काम करत आहे.नेहमीप्रमाणे ता ३० सप्टेंबर रोजी किशोर शिंदे हा कामावर गेला होता.वडीगोद्री(ता अंबड)येथील त्याच्या ओळखीचे पाच जण किशोर काम करत असलेल्या वाॅशिग सेंटरवर येऊन चोरी करण्यासाठी आमच्याबरोबर चल असे म्हणत असताना, सदरील युवकाने यासाठी विरोध केला.तरीही त्यास बळजबरीने चारचाकी गाडीत घेऊन काही अंतरावर गेले.सोबत आणलेले मद्य(दारू) पाजून किशोर शिंदे यास मारहाण करु लागले.एवढेच नाहीतर त्याच्या पायावर चाकू मारुन त्यास सोनपेठ(जि.परभणी) परिसरात दिल्याचा धक्कादायक प्रकार मंगळवारी उघडकीस आला.
किशोर हा गंभीर जखमी असल्याची माहीती त्याच्या कुटुंबाला मिळताच काल त्यास सोनपेठहून आणले.सध्या त्याच्यावर बीड येथील एका खासगी रुग्णालयात उपचार सुरु असल्याची माहीती कुटुंबीयांनी दिली असून आद्याप तरी गुन्हा दाखल झाल्या नसल्याचे सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.